ចុះបង្ក្រាបទីតាំងលក់ស្រាបៀរ រំលោភកម្មសិទ្ធិក្រុមហ៊ុនស្របច្បាប់
08-July-2016 | ដោយ មែន កំសត់
រាជធានីភ្នំពេញ ៖ លោក ស្រី ម៉ាក់នី ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ កាលពីព្រឹកថ្ងៃទី៧ កក្កដា ២០១៦ បានដឹកនាំកម្លាំងសមត្ថកិច្ចនគរបាលការិយាល័យប្រឆាំង បទល្មើសសេដ្ឋកិច្ច រាជធានីភ្នំពេញ ចុះឆែកឆេរនៅហាងលក់ភេសជ្ជៈយីហោ ៧ GOURMET របស់ជាជនជាតិបរទេសមួយកន្លែង ស្ថិតតាមបណ្តោយផ្លូវប៉ាស្ទើរ ក្នុងសង្កាត់បឹងរាំង ខណ្ឌដូនពេញ ដោយបានរឹបអូសស្រាបៀរ Hoegaarden និង Leffe ប្រមាណជាង២៤៨ដប។
ការចុះទៅឆែកឆេរ និងរឹបអូសស្រាបៀរនៅហាងជនបរទេសខាងលើនេះ លោកស្រី ម៉ាក នី ព្រះរាជអាជ្ញារងបានមានប្រសាសន៍ថា ជាការធ្វើឡើងតាមពាក្យបណ្តឹងរបស់ក្រុមហ៊ុនអ៊សខ្មែរ បានប្តឹងម្ចាស់ហាង៧ GOURMET របស់ជនបរទេសថា ជាការស្តុប និងតាំងលក់ផលិតផល ស្រាបៀរ Hoegaarden និង Leffe ដោយខុសច្បាប់ រំលោភកម្មសិទ្ធិផ្តាច់មុខរបស់ក្រុមហ៊ុន Auskhmer Import Export Co.Ltd.(អ៊សខ្មែរ)ដែលមានច្បាប់អនុញ្ញាតិចុះបញ្ជីនៅក្រសួងពាណិជ្ជ កម្មត្រឹមត្រូវ ។ ជាមួយនោះដែរលោកមេធាវី ខៀវ វ៉ាន តំណាងឲ្យក្រុមហ៊ុន Auskhmer Import Export បានថ្លែប្របាប់អ្នកសារព័ត៌មានដែរថា ក្រុមហ៊ុនរបស់លោកត្រូវបានក្រសួងពាណិជ្ជកម្ម ប្រគល់សិទ្ធិឲ្យនាំចូល និងចែកចាយផ្តាច់មុខ នូវប្រភេទស្រាបៀរ Hoengaarden និង Leffe នេះចាប់តាំងពីខែកុម្ភៈ ឆ្នាំ២០១៦ មកម្លេះ ។
លោក ខៀវ វ៉ាន មេធាវីតំណាងក្រុមហ៊ុនបានបន្តថា បន្ទាប់ពីទទួលបានសិទ្ធិចែកចាយផ្តាច់មុខ ក្រុមហ៊ុន ក៏បានធ្វើការផ្សព្វផ្សាយតាមប្រព័ន្ធផ្សព្វផ្សាយតាមប្រពន្ធ័នានា ដើម្បីឲ្យអ្នកនាំចូលស្រាបៀរនេះបញ្ឈប់សកម្មភាព ទាំងឡាយនាំចូល ដោយខុសច្បាប់ ។ បើទោះបីជាមានការជូនដំណឹងយ៉ាងនេះក្តី ក៏នៅតែមានជនខិលខូចបានលួចនាំចូលស្រាបៀរទាំងពីរប្រភេទមកចែកចាយ លើទីផ្សារកម្ពុជាដោយគ្មានការអនុញ្ញាតពី ក្រុមហ៊ុន Auskhmer(អ៊លខ្មែរ)នេះដែរ ។ ដោយបានសង្កេតឃើញមានការរំលោភបំពានលើសិទ្ធិផ្តាច់មុខបែបនេះ ទើបក្រុមហ៊ុនឈានដល់ដាក់ពាក្យបណ្តឹងទៅសាលាដំបូងរាជធានីភ្នំពេញ ដើម្បីឲ្យចាត់វិធានការចុះរឹបអូសស្រាបៀរទាំងអស់នេះ នៅតាមហាងដែលដាក់តាំងលក់ដោយគ្មានការអនុញ្ញាតពីក្រុមហ៊ុន ។
ក្រោយពីឆែកឆេរ និងរកឃើញវត្ថុតាងស្រាបៀរជាង២៤៨ដ បនៅហាងខាងលើនោះ សមត្ថកិច្ចបានធ្វើការដកហូតយកទៅកាន់ការិយាល័យ និងបាននាំខ្លួ នតំណាង ម្ចាស់ហាងទៅសាកសួរ ។ ក្រោយពីឆែកឆេរនៅហាងជនបរទេសក្នុងខណ្ឌដូនពេញហើយ កិច្ចប្រតិបត្តិការដែលដឹកនាំដោយតំណាងអយ្យការ បានបន្តទៅកាន់ទីតាំងមួយកន្លែងទៀត ស្ថិតនៅផ្ទះលេខ២៣៤E២៣៦A ផ្លូវលេខ៤៣០ សង្កាត់ទំនប់ទឹក ខណ្ឌចំការមន ខាងក្រោយ សណ្ឋាគារអ៊ីនធើរកុងទីណង់ណាល់ នៅនោះជាឃ្លាំងស្តុកទំនិញស្រាបៀរម៉ាក Hoengaarden ប្រមាណជាង៣.១២៤កេស និងទំនិញច្រើនប្រភេទទៀត ។
នៅពេលតំណាងអយ្យការនាំសមត្ថកិច្ចទៅដល់ម្ចាស់ទីតាំងមិនព្រម បើកទ្វារឲ្យចូលពិនិត្យត្រឹមត្រូវទេ ដោយចំណាយពេលវេលា ច្រើនម៉ោងតំណាងអយ្យការ បានសម្រេចជួលជាងឲ្យទៅកាត់់សោទ្វារផ្ទះ(ឃ្លាំង)ដើម្បីចូល ឆែកឆេរ ។ ខណៈពេលជាងកាត់សោទ្វារទៅដល់ ទើបកម្មករនៅខាងក្នុងចាក់សោទ្វារឲ្យសមត្ថកិច្ចចូលពិនិត្យ ប៉ុន្តែដោយពេលវេលារាប់នូវទំនិញពិសេសស្រាបៀរនាំចូលដោយខុសច្បាប់ របស់ក្រុមដើមបណ្តឹងមានច្រើន ត្រូវចំណាយពេលយូរ តំណាងអយ្យការបានបញ្ជារឲ្យសមត្ថកិច្ចបិទឃ្លុំបេទ្វារផ្ទះ(ឃ្លាំង) នោះរក្សារទុកសិន រង់ចាំបង្កើតគណៈកម្មការត្រួតពិនិត្យពេលក្រោយ ៕
ចំនួនអ្នកទស្សនា
- ថ្ងៃនេះ731
- ម្សិលមិញ12101
- សប្តាហ៍នេះ12841
- ខែនេះ127991
- ឆ្នាំនេះ127991
- សរុប20570447